Chelsea igiye gusinyisha umwe mu bakinnyi bakomeye ba Manchester United

Ikipe ya Chelsea iri mu nzira zo guhanganira n’andi makipe nka Juventus yo mu Butaliyani ari gushakisha cyane umukinnyi wa Manchester, Anthony Martial.

Anthony Martial utishimiye uko akinishwa mu ikipe ya Manchester United biravugwa ko agiye kwerekeza mu ikipe ya Chelsea.

Nyuma y’aho ikipe ya Manchester United izaniye Alexis Sanchez, umwanya Martial yahabwaga wo gukina watangiye kugabanuka cyane ndetse nawe agenda agaragaza ko atishimiye uko akinishwa.

Ikipe ya Chelsea ngo yiteguye gutanga amafaranga yose iyi kipe izasaba kugira ngo yibikeho uyu mukinnyi w’Umufaransa.

Martial amaze gutsindira ikipe ya Manchester United ibitego 11 mu mikino 43 amaze gukinira iyi kipe.

Anthony Martial yaje muri Manchester United muri 2015 ubwo yari avuye mu ikipe ya Monaco, aguzwe miliyoni £36  nyuma yo kwigaragaza cyane mu mikino ya Champions League ubwo bakuragamo ikipe ya Arseal yo mu Bwongereza.

 

Leave a Reply

Your email address will not be published. Required fields are marked *