Real Madrid igeze ku mukino wa nyuma isezereye Bayern Munich-Amafoto

Umukino wo kwishyura wa ½ waberaga I Santiago Bernabeu warangiye amakipe yombi anganya bitego 2-2, Real ihita igera ku mukino wa nyuma w’igikombe cy’amakipe yabaye aya mbere iwayo (UEFA Champions League).

Kuri uyu wa kabiri nibwo abakunda umupira w’amaguru bari biteze ibitangaza bishobora gukorwa n’ikipe ya Bayern Munich ikaba yasezerera Real Madrid iyisanze ku kibuga cyayo kandi ikababa ariyo kipe  iheruka ibi bikombe bibiri yikurikiranya ariko ntibyaje kugerwaho kuko impamba Real yavanye mu Budage yayifashije kugera ku mukino wa nyuma.

Umukino ugitangira ikipe ya Bayern Munich yasatiriye cyane ikipe ya Real Madrid byaje kuyifasha kubona igitego cya mbere ku munota wa gatatu gitsinzwe na Joshua Kimmich Ku mupira yari ahawe na Corentin Tolisso.

Ibyishimo byabo ntibyamaze igihe kuko ku munota wa 11 Karim Benzema wigaragaje muri uyu mukino yaje kwishyura iki gitego, igice cya mbere kirangira amakipe yombi anganya 1-1.

Ku munota wa 46’, umuzamu wa Bayern yaje gukora amakosa, Karim Benzema abona igitego cya kabiri cyaje kwishurwa na James Rodriguez wahoze muri Real umukino urangira ari 2-2.

ibi byahesheje ikipe ya Real gukomeza kuko mu mukino ubanza ikipe ya Real Madrid yari yatsinze Bayern Munich ibitego 2-1 nyuma yo kuba bamwe mu bakinnyi ngenderwaho muri iyi kipe baragize utubazo tw’imvune mu minota ya mbere y’umukino bityo biha Real amahirwe yo gutambaza umupira byanayifashije gutahana intsinzi.

Aya makipe yombi yakinaga ubona ko anyotewe ibitego ariko cyane cyane ikipe ya Bayern Munich nubwo yaje kugorwa n’umuzamu Navas wa Real wakoze akazi katoroshye.

Nyuma yo kugera ku mukino wa nyuma ikipe ya Real itegereje iyo bizahura hagati ya AS Roma yo mu Butaliyani na Liverpool yo mu Bwongereza zitegereje kwisobanura uyu munsi.

Abayoboye mu gutsinda ibitego byinshi

15 goals: Ronaldo (Real Madrid)

10 goals: Firmino (Liverpool), Salah (Liverpool)

8 goals: Ben Yedder (Sevilla), Mane (Liverpool)

7 goals: Cavani (Paris SG), Dzeko (Roma), Kane (Tottenham)

6 goals: Messi (Barcelona), Neymar (Paris SG)

Agahinda kari Kose ku bakinnyi ba Bayern bari bamaze kubura amahirwe yo kugera ku mukino wa nyuma
Benzema yigaragaje kuri uyu mukino
Byari ibyishimo ku ikipe ya Real nyuma yo kugera ku mukino wa nyuma
umuzamu wa Bayern Sven Ulreich watanze igitego cya kabiri

Leave a Reply

Your email address will not be published. Required fields are marked *

Pin It on Pinterest

Social Media Auto Publish Powered By : XYZScripts.com