Umugore wa Perezida w’ Ubufaransa yahishuye ibintu bikomeye ku mugore wa Trump

Umugore wa Perezida wa Emmanuel Macron w’ Ubufaransa Brigitte Macron nyuma y’ uko mu cyumweru gishize  agiranye ibihe byiza na mugenzi we Melania Trump umugore wa Perezida Donald Trump wa Leta zunze ubumwe za Amerika yamuhishuyeho ibintu bikomeye birimo kuba uyu mugore wa Trump arindirwa umutekano ku buryo adashobora gukingura urugi ngo age hanze kuko bimujemo.

Mu kiganiro Brigitte Macron yagiranye na Le Monde yavuze ko Melania Trump abayeho mu buryo butangaje kuko adashobora gusohoka kuko aba arinzwe bikomeye.

Yagize ati “Tugira amarangamutima amwe, turaseka ariko acunzwe cyane kundusha. Ntashobora no gukingura idirishya rya White house. Ntashobora gusohoka. Acunzwe cyane kundusha. Njye buri munsi ndasohoka ngatembera muri Paris”

Nubwo Melania Trump azwi nk’ umuntu utuje kandi uciye bugufi cyane imbere y’ umugabo we Brigitte Macron we avuga ko Melania Trump nk’ umuntu mwiza, wishimye, w’ umuhanga, wisanzura mu kuganira.

Ati “Ni umuntu ukomeye ariko ukora uko ashoboye akabihisha. Akora byinshi,aseka byoroshye kandi kenshi ariko yerekana bike ugereranyije nanjye”

Brigitte Macron avuga ko we abaho ubuzima busanzwe asura abana be afitanye n’ uwahoze ari umugabo we André-Louise Auzière.

Ati “Ntabwo nahinduye imitekerereze. Ndacyari umugore wa Emmanuel Macron ariko nanone siniyumva nka muka perezida.”

Leave a Reply

Your email address will not be published. Required fields are marked *

Pin It on Pinterest

Social Media Auto Publish Powered By : XYZScripts.com